Psa 48 | YON | STEP | Yook ambo bi ye karub yeman. Yook kuu Korah ye awoyambed wongkiwen. Yariman kuu aningko darewoowiib, ye kuu korem yena arebban, ye aningko kumbedmo kankooni yeman, nub God ye siti aombed, ye aangko karadmo arimbed kui.

Psalms 48

Yook 48

Yook ambo bi ye karub yeman. Yook kuu Korah ye awoyambed wongkiwen.

1 Yariman kuu aningko darewoowiib, ye kuu korem yena arebban, ye aningko kumbedmo kankooni yeman,
nub God ye siti aombed, ye aangko karadmo arimbed kui.
2 Aangko Saiyon ari kuu manimanandeb kii,
kuyaa kuu okad kumundinbed kubimaun,
kukuu karadmo anam kai,
kukuu darewoob arimbed ye King ye siti kui.
3 God kuu yu dorondandimbon aom doreen,
kwane yeka korokboon kuu ye kuu yu dowad aromne angkumonimbon keroon.
4 Kedi, king maa maa mene nangmi dowad daboknenib
ibonmo mene dia keriwen kuu
5 kuye siti wedmekorib binangkiwen,
kwane uniwon karakwon kere kirokmoniwen.
6 Kwane yi kuu unimo keriwen,
yi kuu wonong dana woonande yewed kandimaun areb keriwen.
7 O God, ebbed yi ben monmarewen,
yi kuu aron dembimaun angka ye nuubbed Taasisdan yi motod baangkenu kurubkurub keremoon areb keriwen.
8 Godbed kwanoon kuu kwane wengamburuwen,
kwane nubka wedmuwen.
Ana nangmidan yemoon yeYariman ye siti aom,
nub God ye siti kui,
yembed yu kuu ongmendaane komombed ma monmaraanban yeman kereen aron korem.Selah
9 O God, eb womoniyiibban ye mimyob dowaken yaa meendobembere kubimaub,
eb kurikuri ambib aombed.
10 O God, eb yirin kuu okad yimin yimin yaa derendaroon kwamune areb kuu,
ewaningko kankooni kangkon derendaroon.
Kwane eb dingki wiwi kuu ambangki yorokmoyiib kumbedmo.
11 Eb wengyundi kuu anammo kowe,
aangko Saiyondan kuu kubimaib,
ambibkin Yudadan kangkon kubimaib.
12 Aangko Saiyon yu siti Yerusalem awanewande dewenebime,
kukbiri ye ambib kongam kuu kimingkime,
13 siti kuuk yaa ongme andangkime,
aromne angkumonimbon korem wedmenabime.
Kwananiib kumbed yiibbed komo komo wedmiwen kuu yiib awoya ari yaa daandaniib.
14 Kedi, God kee nub God aron korem korem,
kwane ye kuu nub ben kinban winimamaneen aron korem.